NAMAYAGPAG ang mga mangingisda mula sa Catbalogan City sa Samar Day Banca Race ngayong taon.
Ipinagdiwang sa naturang event ang mayamang maritime heritage ng Samar, at ibinida ang impresibong lakas ng mga lokal na mangingisda.
Walang kapagurang nagsagwan ang mga lumahok habang naglalayag ng ilang kilometro sa Maqueda Bay sa bisinidad ng Barangay Payao hanggang Barangay Ubanon.
Tinalo ng Catbalogan City Boatmen ang labimpitong kalahok mula sa iba’t ibang lugar mula sa Samar para masungkit ang kampeonato at manalo ng labinlimang libong piso.
