Goitia: Ang mga Paratang na Ito ay mga Sadyang Kasinungalingan

DIRETSUHIN na natin.

Ang kumakalat ngayon online ay mga huwad at mapanirang paratang laban kina Pangulong Ferdinand R. Marcos Jr. at sa Unang Ginang Liza Araneta-Marcos.

May binabanggit na droga, sekswal na gawain, at diumano’y mga “sensitibong” larawan—kabilang ang mga inedit o pekeng materyal na maling iniuugnay sa Unang Ginang.

Walang ebidensya ang mga ito.

Walang dokumento. Walang forensic findings.

Walang sinumpaang salaysay. Walang kasong inihain sa alinmang awtoridad.

Ang meron lamang ay isang  panayam, na paulit-ulit na ikinalat sa social media.

“Kailangang malinaw ito,” ani Chairman Emeritus Jose Antonio Goitia.

“Ang tunay na kritisismo ay nakabatay sa katotohanan.

Ang nangyari rito ay mga paratang na walang ebidensya, na pinalaki sa pamamagitan ng tuloy-tuloy na pagpapakalat.”

Hindi ito lehitimong kritisismo.

Isa itong paninirang-puri.

Isang Panayam na Ginamit sa Pagpapakalat ng Kasinungalingan

Ipinakalat ang mga paratang sa pamamagitan ng isang online na panayam na isinagawa ng vlogger na si Deen Chase.

Sa panayam na ito kapansin-pansing walang seryosong pagtatanong, walang beripikasyon, at walang pananagutan.

Dahil dito, ang mga pahayag na hindi nasuri ay mabilis na kumalat.

Ang paggamit ng pormat ng panayam ay hindi nagbibigay ng kredibilidad.

Sa halip, pinapadali lamang nito ang pagkalat ng paratang.

Walang awtentikasyon, walang pagsumite sa mga institusyong maaaring magsuri, at kaswal ang tono—na para bang sapat na ang pag-uulit para paniwalaan.

Ngunit may sariling pamantayan ang katotohanan.

“Huwag nating lokohin ang sarili natin,” ani Goitia.

“Ang panayam ay hindi pahintulot para maglabas ng paratang na walang patunay.”

Malinaw ang layunin: kumalat ito at hindi maliwanagan.

Bakit ang Unang Ginang ang Tinarget

Hindi nagkataon ang pagtuon sa diumano’y sekswal na asal at sinasabing pribadong mga larawan ng Unang Ginang.

Ito ay isang kilalang taktika. Kapag walang maipakitang katotohanan, dangal ang tinatarget.

Kapag hindi kayang usigin ang pamamahala, personal na buhay ang binabalahura.

Dahil babae ang ginagawang paksa, inaasahang mas tatagal ang pinsala kahit malinaw na walang batayan ang mga paratang.

“Ito ay isang malinaw na gender attack,” ayon kay Goitia.

“Umaasa ito sa hiya at pahapyaw na paratang dahil alam nilang mas mahirap itong ituwid, kahit mapatunayang mali.”

Walang larawang napatunayan.

Walang ekspertong nagkumpirma.