NAKAUWI na sa bansa ang Gilas Pilipinas matapos ang kanilang kampanya sa FIBA Olympic Qualifying Tournament sa Riga, Latvia.
Ang Pilipinas na hindi pa nakasali sa Olympic Basketball event simula noong 1972 ay kinapos ng dalawang panalo para makakuha ng tiket sa Paris Olympics, matapos matalo sa Brazil sa semifinals.
Nakapag-uwi naman ng karangalan ang naturalized Filipino na si Justin Brownlee matapos mapabilang sa All-Star Five sa Tournament na ginanap sa Riga.
Si Brownlee ang itinanghal na no. 1 scorer sa Tournament matapos mag-average ng 23 points.
