PINULONG ni French President Emmanuel Macron ang mga kaalyado nito at senior politicians, para sa agarang pagtatalaga ng bagong prime minister.
Nangyari ito isang araw matapos pabagsakin ng far-right at leftist lawmakers ang minority government ng nagbitiw na si Prime Minister Michel Barnier.
Kabilang sa pangalang nabanggit upang maging kapalit ni Barnier ay sina Francois Bayrou na isang veteran centrist politician at malapit na kaalyado ni Macron, gayundin si outgoing Defense Minister Sebastien Lecornu.
Si Barnier na naging prime minister sa loob lamang ng halos tatlong buwan ang shortest-serving prime minister sa modern french history matapos aprubahan ni Macron ang kanyang pagbibitiw.
