Mas ginpaharuhaluag pa san Department of Information and Communication Technology Region VIII an Free-wifi connectivity sa magkalain-lain nga probinsiya san rehiyon.
Ha ginbuhat nga Kapihan sa Bagong Pilipinas, ginpahayag ni Engr. Dante P. Rosales, OIC Technical Operations san DICT Region VIII nga may-ada 43% increase kumapara san 2023, san ihap hini nga Free Wifi APP sites.
Maabot na sa 1,048 an kabug-usan nga ihap kon diin 456 sites in aadto sa Northern Samar, 110 sites sa Samar, 123 sites sa Esamar, 245 sites sa Leyte, 42 sa Southern Leyte ngan 72 sa isla san Biliran.
Lakip gihapon nga ginserserbisyuhan san DICT an 32 nga ahensiya san gobyerno sulod sa Government Center sa Palo, Leyte ngan nakatalaan in 60 naman nga iba nga ahensiya nga tatagan san Free Wifi sa syudad san Tacloban.
Lakip gihapon nga gintutukan san DICT an mga geographically isolated and disadvantaged areas o GIDA nga mga lugar dinhi sa rehiyon.
Panuyo san Free Public Internet Access Program san DICT nga makahatag sin access para sa edukasyon, oportunidad nga mapadukwag pa an ekonomiya, makahatag hint ama nga impormasyon sa panlawas ngan mapahaluag pa an social networks.
Dako gihapon an bulig an naihahatag san programa sa mga tay-aw nga lugar ug mga rural areas nga magkamay-ada access ngan komunikasyon sa iba nga mga lugar ngan magin kaparte sa agresibo nga pagbabag-o sa digital world.
