Pumanaw sa sakit na cancer ang isa sa mga bokalista ng bandang “Aegis” na si Mercy Sunot.
Sa pahayag sa facebook page ng “The Aegis Band”, kinumpirma ang pagpanaw ni Sunot.
Bago ang pagpanaw, nag-post pa ng video sa Tiktok si Sunot at humingi ng dasal sa publiko habang siya ay nasa ospital.
Ayon kay Sunot, sumailalim siya sa lung surgery subalit bigla siyang nakaranas ng hirap sa paghinga kaya dinala siya sa ICU.
Na-diagnose si Sunot sa sakit na breast at lung cancer.
