SINUSPINDE ng Office of the Ombudsman ng anim na buwan si Cebu City Mayor Michael Rama, at pito pang opisyal ng lungsod kaugnay sa paglilipat sa apat na kawani sa ibang ahensya at hindi rin pinasahod.
Sa inilabas na resolusyon ng Ombudsman, nakitaan umano ng basehan para suspendihin sina Rama dahil sa grave misconduct, conduct unbecoming of public officer, conduct prejudicial to the best interest of the service, grave abuse of authority, at paglabag sa Code of Conduct and Ethical Standards for public officials and employees.
Ang suspensyon ay mula sa reklamo ng apat na empleyado ng City Assessor’s Office na inilipat sa ibang tanggapan at hindi nakatanggap ng sahod mula noong July 2023.
Batay sa naunang desisyon ng Civil Service Commission Regional Office 7, nakasaad na dapat ibalik sa dati nilang puwesto ang apat, at ibigay ang kanilang mga sweldo.
