NAKIPAGPULONG si Calbayog City Mayor Raymund “Monmon” Uy kay Terence Jude Rebarter, 7/11 Store Development Specialist, upang pag-usapan ang expansion ng convenience store chain sa lungsod.
Inanunsyo ni Rebarter ang plano ng 7/11 na magdagdag ng bagong branch sa Oquendo Poblacion dahilan para umakyat na sa sampu ang kabuuang bilang ng planned stores, kabilang ang walo sa city proper at isa sa Tinambacan Poblacion.
Welcome kay Mayor Mon ang expansion, dahil sa positibong epekto nito sa ekonomiya ng Calbayog City at sa maibibigay na kaginhawaan sa mga residente.
Binigyang-diin din ng alkalde sa pulong ang commitment ng lungsod sa pagsuporta sa mga negosyo at investments.
