SINA EJ Obiena and Margielyn Didal ang magsisilbing flag bearers ng Pilipinas para sa idaraos na 19th Asian Games sa Hangzhou, China na magsisimula sa September 23.
Inanunsyo ito ni Philippine Olympic Committee President Abraham “Bambol” Tolentino sa isinagawang send-off para sa Team Philippines sa Philippine International Convention Center sa Pasay City.
Si Didal ay nakapag-uwi ng gintong medalya noong nakaraang Asian Games at nakakuha rin ng dalawang medalya sa 2019 edition ng Southeast Asian Games.
Si Obiena naman na bagaman nagtapos lamang sa pang-pitong puwesto noong 2018 Asian Games, ay pinatunayan naman ang kaniyang pagiging world-class athlete at nag-qualify pa sa 2020 Tokyo Olympics.
Sa ngayon si Obiena ay no. 3 na sa buong mundo sa pole vault.
