NAGPADALA ang PNP Eastern Visayas ng kabuuang isandaan at isang pulis na sinanay bilang special electoral board members para magsilbi sa voting centers sa Bangsamoro Autonomous Region in Muslim Mindanao (BARMM).
Mananatili ang mga pulis sa Lanao Del Sur at Maguindanao simula ngayong May 1 hanggang 23, o dalawang linggo bago at pagkatapos ng halalan sa Mayo a-dose.
Sinabi ni PNP Eastern Visayas Regional Director Brig. Gen. Jay Cumigad, na ang pagpapadala nila ng mga tauhan ay alinsunod sa direktiba ng kanilang main headquarters na magdeploy ng police officers na sinanay para mangasiwa sa pinakabagong voting technology.
Ang mga pinadalang pulis ay sinanay ng mga tauhan ng COMELEC kung paano i-operate ang Automated Counting Machines (ACMs) noong March 25 hanggang 26.
Binigyan din sila ng sertipikasyon ng Department of Science and Technology sa pag-o-operate ng ACMs.
