TINAPOS ng Terrafirma Dyip ang kanilang kampanya sa PBA Commissioner’s Cup sa “positive note” matapos gulatin ang tnt Tropang Giga, sa score na 118-108, sa Ynares Center sa Antipolo, kagabi.
Ang Terrafirma na bigong maipanalo ang nauna nilang labing isang laro, ay nakapagtala ng isang panalo, na bumasag din sa anim na sunod na panalo ng TNT.
Pinangunahan ng rookie na si Mark Nonoy ang Dyip sa pamamagitan ng career-high na 33 points, 4 rebounds, at 4 assists.
Binitbit naman ni Rondae Hollis-Jefferson ang tnt sa kanyang 41 points, 10 rebounds, 3 assists, 4 blocks at 3 steels.
Nagwakas ang kampanya ng Terrafirma sa 1-11 record habang ang TNT ay bumaba sa 6-3.
