BUMAGSAK ang Balance of Payment (BOP) Surplus ng bansa noong 2024, dahilan para hindi maabot ang full-year projection ng Central Bank.
Sa datos mula sa Bangko Sentral ng Pilipinas (BSP), umabot lamang ang full-year bop Surplus noong nakaraang taon sa 609 Million Dollars.
83.4 percent itong mas mababa kumpara sa 3.672-Billion Dollar Surplus na naitala noong katapusan ng 2023.
Mas mababa rin ito sa full-year projection ng BSP na 3.5 Billion Dollars.
Ang surplus ay nangangahulugan na mas maraming pondo ang pumasok sa bansa habang ang deficit ay mas maraming pera ang lumabas.
