PINALAWAK ng Department of Social Welfare and Development (DSWD) Regional Office ang kanilang “Walang Gutom” Program.
Sa pamamagitan ito ng pagdaragdag ng walundaang pamilya para sa hakbang na ang layunin ay tugunan ang insidente ng involuntary hunger at malnutrition.
Ayon kay Joshua Kempis, DSWD Regional Information Officer, 31,774 families ang kasalukuyang naka-rehistro sa “Walang Gutom” Program sa Eastern Visayas.
Aniya, makatatanggap ang mga ito ng 3,000 pesos na food credits sa kanilang electronic benefit transfer cards, na gagamitin nila sa pagbili ng pagkain sa DSWD-accredited retailers.
