HALOS araw-araw na binibisita ni DJ Koo ang libingan ng kanyang misis na si Barbie Hsu.
Naging laman ng balita ang Korean musician na kilala rin bilang Koo Jun-Yup, matapos kumalat sa social media ang litrato nito na nakaupo sa isang camping chair sa harap ng puntod ng misis, sa Jin Bao Shan Cemetery sa Taiwan.
Ayon sa mga bystander, madalas nilang makita si Koo na dumadalaw sa namayapang asawa sa nakalipas na limang buwan.
Sinabi rin ng isang netizen, na sa pamamagitan ng social media ay pinasalamatan ni Koo ang mga nagdadala ng mga bulaklak sa puntod ni Barbie na gumanap bilang San Chai sa sikat na Taiwanese series na Meteor Garden.
Pumanaw ang aktres sa edad na 48 noong Mayo bunsod ng Pneumonia, dulot ng Influenza Complication.
