DILG, nagulat sa ulat na nagpunta ng Sweden si Zaldy Co

AMINADO si Interior and Local Government Secretary Jonvic Remulla na nasorpresa siya sa ulat na nagpunta ng Sweden si dating Congressman Zaldy Co.

Una kasing sinabi ni Remulla na si Co ay nananatili sa loob ng isang gated community sa Lisbon, Portugal.

Pero ayon kay Remulla, kahit gated community, madali aniyang tumakas sa lugar na iyon kung magtatago sa kotse.

Maliban dito, borderless aniya ang mga European Union countries kaya madali para kay Co ang makabiyahe-biyahe.