BINIGYANG pugay ng Department of Education (DepEd) ang animnapung partners sa Eastern Visayas para bigyang inspirasyon ang stakeholders na ipagpatuloy ang kanilang commitment sa edukasyon.
Sa pagtitipon sa Madison Park Hotel sa Tacloban City, sinabi ni DepEd Region 8 director Ronelo Al Firmo na nagbigay ang stakeholders sa iba’t ibang sektor ng mahahalagang suporta sa pamamagitan ng resources, technical assistance, at advocacy upang isulong ang Basic Education para sa lahat.
Inihayag ni Firmo na ang edukasyon ay hindi lamang trabaho ng DepEd, dahil kasama nila ang komunidad.
Kinilala sa naturang event ang pitong Private Lending Institution, labintatlong journalists, labintatlong Non-Government Organizations, isang private company, at apat na International Organizations.
Gayundin ang siyam na National Government Agencies, isang pribadong indibidwal na nagpagawa ng school building, pitong city at municipal mayors, at limang provincial governors.




