MAGWI-withdraw si Dating Executive Secretary Salvador Medialdea bilang counsel ni Dating Pangulong Rodrigo Duterte sa kaso nito sa International Criminal Court, sa sandaling maisapinal na ang legal team ng dating lider.
Kinumpirma ito ni Vice President Sara Duterte na kasalukuyang nasa The Hague, Netherlands, kasabay ng pagsasabing limitado lamang ang slots para sa mga abogado.
Idinagdag din ng bise presidente na nais nila na lahat ng lawyers on board ay mayroong ICC experience.
Ayon kay VP Sara, may mga kinakausap pa siyang mga abogado, at may paparating na isa para kanyang interbyuhin.
Si Medialdea ay itinalaga ng dating pangulo bilang isa sa kanyang counsels para sa ICC proceedings, at nagsilbing kinatawan niya sa tribunal sa kanyang first appearance noong Biyernes.
