WALANG naging paglabag si Dating DPWH Sec. Manuel Bonoan sa polisiya ng Bureau of Immigration kahit na-delay ng isang buwan ang pagbabalik nito sa bansa.
December 17 pa dapat ang pangako ni Bonoan na uuwi siya sa bansa matapos siyang bumiyahe patungong Estados Unidos pero kahapon, January 18 lamang ito nakabalik ng Pilipinas.
Sa isang panayam, sinabi ni Immigration Spokesperson Dana Sandoval na nasa ilalim lamang ng Immigration Lookout Bulletin Order (ILBO) si Bonoan at wala namang Hold Departure Order laban dito kaya sa panig ng BI wala naman itong nalabag sa hindi niya agad pagbalik ng bansa.
