IBINIDA ng The Lost Trail Vlog ang dalawang magaganda subalit hindi sikat na waterfalls sa Calbayog City, dahilan upang tumaas ang interest ng publiko na tagong-yaman ng lungsod.
Ang dalawang talon ay matatagpuan sa dulong hilaga ng Calbayog, sa bisinidad ng barangay Macatingog.
Ayon kay Abicer Doroja, isang true-blue nature lover at avid trekker, ang dalawang waterfalls ay kapwa galing sa iisang water system.
Sinabi ni Doroja ang isang talon na nasa ibabang bahagi na tinawag na “Dapdap” ay apat na kilometro ang layo mula sa barangay, habang ang isa pa na tinawag na “Hirot” ay walong kilometro ang layo.
Kadalasang tinutukoy ang Calbayog bilang “City of Waterfalls” dahil sa mahigit dalawampung talon na opisyal na naka-dokumento sa lungsod.
