IPRINISINTA ni Samar Governor Sharee Ann Tan sa isang executive session, kasama si Education Secretary Sonny Angara ang banner programs ng lalawigan, partikular ang para sa youth development.
Ipinahayag ni Tan ang pagnanais na makilala ang Samar hindi lamang bilang youth-friendly province, kundi bilang isang komunidad na kumakalinga sa proactive at future-ready change-makers.
Pinapurihan naman ni Angara ang dedikasyon ng gobernador at ang mga hakbang ng lalawigan, kasabay ng paghanga sa iprinisintang magagandang programa at proactive approach ng provincial government.
Tiniyak din ng kalihim ang kanyang buong suporta sa mga naturang hakbangin, kabilang ang SIRAK Kabataan na Flagship Youth Development Program na inilunsad noong 2021.
