NAGPAMALAS ng matatag na impresyon ang Creamline at Cignal sa PVL on Tour, na kapwa nananatiling unbeaten sa dalawang laro matapos padapain ang sari-sariling katunggali sa Chavit Coliseum sa Ilocos Sur.
Nakarekober ang Cool Smashers mula sa Set 2 Loss patungo sa 27-25, 22-25, 25-19, 25-18 Win kontra Akari, sa pangunguna ng kanilang team captain na si Alyssa Valdez.
Samantala, na-sweep naman ng Cignal ang Capital-1, sa score na 25-21, 25-22, 25-16, sa pangunguna ni Erika Santos.
Dahil naman sa kanilang pagkatalo, parehong bumagsak ang record ng Capital-1 at Akari sa 0-2.
