NAMAYAGPAG ang Converge sa Battle of Play-Offs ng mga koponan, matapos padapain ang Magnolia sa score na 89-82 na Ninoy Aquino Stadium.
Ang ika-apat na sunod na panalo ng Fiberxers ang naglagay sa kanila sa third seed sa Group A ng 2024 PBA Governors Cup, makaraang tapusin nila ang elimination round sa pamamagitan ng 6-4 Win-Loss Record.
Nakatakdang sumabak ang Converge sa Best-of-5 Quarterfinals Series laban sa San Miguel Beer na No. 2 seed sa Group B.
Samantala, ang Hotshots na may record na 5-5 at nasa pang-apat na pwesto ay makakasagupa naman ang top-seeded na Rain or Shine.
