15 February 2025
Calbayog City
Business

Mga importer ng bigas, nagsimula nang i-pullout ang nakatenggang shipments sa Manila Port

NASA tatlundaang containers ng bigas na nakatengga sa Manila International Container Terminal ang pinullout na ng ilang importers, ilang araw matapos maalarma ang Department of Agriculture (DA) at Philippine Ports Authority (PPA) bunsod ng posibilidad ng hoarding at magresulta ng pagtaas ng presyo.

Umaasa si PPA General Manager Jay Santiago na hanggang sa katapusan ng Setyembre ay tuluyan nang mababawasan ang overstaying na containers na naglalaman ng bigas.

Una nang iniulat ng PPA na 888 container vans na naglalaman ng tinatayang 20 million kilos ng imported rice ang iniwang nakatengga sa pier sa Maynila, kasabay ng paniniwala na maaring sinadya ito ng mga consignee bilang paghahanda kapag tumaas ang presyo ng bigas sa mga pamilihan.

Binalaan din ng DA ang mga importer na posibleng kasuhan sila ng hoarding dahil sa unclaimed container vans.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).