IKINABAHALA ng National Task Force for the West Philippine Sea ang ulat na Environmental Damage sa bahagi ng Pag-asa Island dahil sa presensya ng barko ng China malapit sa Pag-asa Reef 1.
Ayon sa pahayag ng Task Force, noong June 7 ay namataan sa mababaw na bahagi ng Pag-asa Island ang Chinese Vessel na mayroong Bow Number 16868 at nanatili ito sa lugar na iyon sa loob ng tatlong oras.
Bagaman hindi direktang sumadsad sa Coral Reef ang barko, ang Anchoring Activity nito sa lugar ay nagdulot ng pinsala sa mga bahura sa lugar.
Sinabi ng Task Force na ang insidente ay kasunod ng pinaigting pang aktibidad ng Chinese Maritime Militia sa at CCG Vessels sa teritoryo ng Pilipinas sa Pag-asa Island.
Kaugnay nito sinabi ng Task Force na suportado nila ang rekomenrasyon ng Palawan Council for Sustainable Development na magsagawa ng Reef Rehabilitation at papanagutin ang China sa ilalim ng umiiral na batas ng Pilipinas.
