IPINAGMALAKI ni Pangulong Ferdinand Marcos Jr. na pumalo sa mahigit 4.6 trillion pesos ang strategic investments sa bansa, as of February 2025.
Sa kanyang talumpati sa Gawad Bayanihan sa pamumuhunan milestone event sa Malakanyang, ibinida ng Pangulo ang halos 190 strategic investments sa iba’t ibang sektor.
Kabilang aniya rito ang renewable energy, digital infrastructure, food security, at manufacturing, na may kabuuang investment value na mahigit 4.6 trillion pesos.
Inihayag ng punong ehekutibo na target ng kanyang administrasyon na lumikha ng business landscape kung saan kapwa maaring umunlad ang local at foreign investors.
