NAKASUNGKIT ng Filipina gymnast na si Haylee Garcia ang dalawang silver medals sa 2025 WOGA Classic Gym 2 Tournament na ginanap sa Frisco, Texas, sa Amerika.
Nakapagtala ang Pinay teenager ng 9.350 points sa uneven bars at 8.900 points sa balance beam apparatus, sapat para mag-uwi ito ng pilak na medalya sa dalawang events.
Nagtapos din siya sa ika-limang pwesto sa junior b women’s all around event sa naipon niyang 34.800 points.
Bago ang sinalihang patimpalak sa Texas, nanalo si garcia ng limang gintong medalya sa 2024 Batang Pinoy Tournament sa individual all-around, balance beam, floor exercise, uneven bars, at vault, bilang kinatawan ng Pasig City.
