MAGBIBIGAY ang Maharlika Investment Corp. (MIC) ng 76.4 million dollars o 4.425 billion pesos na loan sa isang Gold and Copper Mining Project sa Kalinga.
Inihayag ng MIC na lumagda ito sa binding term sheet para sa loan ng Makilala Mining Company, Inc. Upang simulan ang early development works para sa Maalinao-Caigutan-Biyog Copper-Gold Project sa Cordillera.
Popondohan ng loan ang feasibility study, road construction, at training ng mga miyembro ng Balatoc Indigenous Cultural Community.
Idinagdag ng Sovereign Wealth Fund ng bansa, na sa pamamagitan ng loan ay mabibigyan ang Makilala Mining ng financial capability requirements sa ilalim ng kanilang mineral production sharing agreement, kasama ang pamahalaan.
