Labis na init ng panahon, nagdulot ng sakit sa mga seaweed sa Northern Samar

Nagdulot ng sakit sa mga seaweed sa Northern Samar ang napakainit  na temperatura nitong katatapos lamang na tag-init dahilan para itigil ng mga  magsasaka ang pagha-harvest ng naturang marine plants.

Ayon sa Provincial Agriculture Office, simula noong March 2024 nagdulot ang mataas na temperatura ng outbreak sa iba’t ibang lugar sa Northern Samar.

Sinabi ni Provincial Agriculture Officer Jose Luis Acompañado, na naging consistent na lagpas sa 40 degrees celsius hanggang 49.3 degrees celsius ang temperatura kaya unfeasible ang seaweed production.

Paliwanag ni Acompañado, nagkakaroon ng ice-ice disease kapag nagbago ang salinity, ocean temperature at light intensity  dahilan para  ma-stress ang seaweeds.