KINUMPISKA ng Bureau of Internal Revenue (BIR) ang 11.51 milion packs ng iligal na sigarilyo sa malawakang raid sa Bulacan at Valenzuela City.
Tinaya ng BIR na aabot sa 8.54 billion pesos ang tax liability ng illicit cigarettes na nasamsam sa isang pabrika sa Bulacan at tatlong warehouses sa Valenzuela.
Ayon kay Internal Revenue Commissioner Romeo Lumagui Jr., ito na ang pinakamalaking operasyon ng BIR laban sa illicit cigarettes para sa taong 2024.
Pinaniniwalaan na ang apat na establisimyento ay bahagi ng sindikato.
Kabilang din sa nasamsam ng BIR ang mga raw materials, cigarette-making machines, at cigarette packing machines.
Mayroon ding anim na Chinese Nationals na nasakote sa mga isinagawang pagsalakay.
