Basic Education Curriculum, planong amyendahan upang mabigyan ng sapat na pahinga ang mga guro

PLANO ni Education Secretary Sonny Angara na amyendahan ang Basic Education Curriculum, batay sa komento ng mga guro, kabilang na ang “nakapapagod” na polisiya kung saan obligado silang magturo ng anim na oras sa classroom araw-araw.

Kasunod ng kumpirmasyon ng Commission on Appointments sa kanyang ad interim appoinntment bilang kalihim ng Department of Education, sinabi ni Angara na mas mainam para sa mga teacher kung magtuturo sila ng mas maikli sa anim na oras kada araw.