NASAKOTE ng pinagsanib na puwersa ng PNP at PDEA ang isang Barangay Kagawad makaraang makumpiskahan ng shabu sa buy-bust operation sa Mahaplag, Leyte.
Ang kwarenta’y siyete anyos na si Ruel Gucela, Kagawad sa Barangay Polahongon, at itinuturing na high value drug personality ay nakumpiskahan ng limang sachets ng shabu na nagkakahalaga ng tatlumpunlibong piso.
Nakapiit sa mahaplag Municipal Police Station ang suspek na nahaharap sa kasong paglabag sa Republic Act No. 9165 o Comprehensive Dangerous Drugs Act of 2002.
