NAGPAKITA ng bangis ang Barangay Ginebra sa pagsisimula ng kanilang kampanya sa PBA Season 49 Philippine Cup.
Ito’y matapos gibain ng Ginebra ang Terrafirma sa score na 101-80, sa kanilang paghaharap sa Araneta Coliseum sa Quezon City.
Pinangunahan ang Gin Kings ni Japeth Aguilar na nakapagtala ng 30 points, 7 rebounds, 4 blocks, at 2 assists.
Nag-ambag naman si RJ Abarrientos ng 14 points at 7 assists habang gumawa si Scottie Thompson ng 11 points, 13 rebounds at 7 assists.
Pinaghahandaan na ang Ginebra ang nakatakdang pagtutuos laban sa San Miguel, ngayong Biyernes.
