MAKATATANGGAP ng karagdagang isandaang milyong pisong pondo ngayong taon ang road project na mag-uugnay sa Eastern Samar at Northern Samar provinces, na gagamitin sa pag-kongkreto ng 1.3-kilometer section ng panukalang highway.
Ayon kay House Minority Leader Marcelino Libanan, bukod sa pag-kongkreto, popondohan din ng additional budget ang slope protection structures at konstruksyon ng drainage systems upang maiwasan ang erosion.
Ang section na ikinakasa nang buksan at i-semento ay bahagi ng 24.34-kilometer new road network sa bahagi ng Eastern Samar.
Ito ay para sa pagdurugtong ng Northern Samar sa pamamagitan ng Las Navas-Catubig Road, na may kabuuang haba na 53.60 kilometers.
Ang naturang proyekto ay pinaglaanan na ng 2.7 billion pesos.
