NASAGIP ang bagong silang na sanggol na inabandona sa gilid ng kalsada sa Barangay Potrero sa Malabon.
Ayon sa Northern Police District (NPD), natagpuan ng bente anyos na vendor na si Marlyn Amado ang sanggol sa loob ng kulay pulang eco bag sa kahabaan ng Santol Road at MacArthur Highway.
Agad inilipat ang baby sa Makatao Hospital para sa agarang medikal na ebalwasyon at pangangalaga.
Sa ngayon ay under observation ang sanggol sa ospital at tumatanggap ng lahat ng kinakailangang medical attention.
