Bagong Pilipinas Fair, inaasahang makapagsisilbi sa 253K na indibidwal sa Eastern Visayas

TINAYA sa 253,000 na mga residente sa Eastern Visayas ang inaasahang makikinabang sa Bagong Pilipinas Serbisyo Fair (BPSF) sa Tacloban City at sa lima pang lugar sa rehiyon simula ngayong Biyernes hanggang bukas.

Sinabi ni Tingog Party-List Rep. Jude Acidre na 241 na mga miyembro ng Kamara sa pangunguna ni Speaker Ferdinand Martin Romualdez at daan-daang National Government Officials ang magtutungo sa Tacloban para saksihan ang paghahatid ng mga serbisyo.

Sa press briefing sa Leyte Normal University, kahapon, inihayag ni Acidre na kabuuang 1.25 billion pesos na halaga ng mga programa at serbisyo ang dadalhin sa buong rehiyon, at 807.42 million pesos ay nasa porma ng cash assistance.