Arms Trade ng North Korea at Russia, tinawag na global threat ni South Korean President Yoon

TINAWAG ni South Korean President Yoon Suk Yeol na banta sa kapayapaan at katatagan sa buong mundo, ang iligal na kalakalan ng armas ng North Korea at Russia.

Binigyang diin ni Yoon na kritikal din ito sa alyansa ng liberal democracies na pumo-protekta mula sa aniya’y “reckless elements.”

Ginawa ni Yoon ang pahayag sa Hawaii, kung saan tinalakay niya ang kahalagahan ng pinagsamang defence posture ng US at South Korean Forces, kasama ang Commander ng US Indo-Pacific Command na si Admiral Samuel Paparo.

Dumaan sa Hawaii ang South Korean President bago magtungo sa Washington para dumalo sa NATO Summit, bilang isa sa kinatawan ng apat na Asia-Pacific partners.