INANUNSYO ng Malakanyang na holiday sa buong bansa sa Lunes, Mayo a-dose, araw ng halalan.
Nakasaad sa Proclamation No. 878, na kailangang ideklara ang May 12 bilang special non-working holiday upang maisakatuparan ng mga Pilipino ang kanilang karapatang bumoto.
Nilagdaan ni Pangulong Ferdinand “Bongbong” Marcos ang proklamasyon, kahapon.
Ang deklarasyon ng holiday ay kasunod ng kahilingan ng COMELEC, upang makaboto ang mga Pilipino.
