INAPRUBAHAN ng Local Amnesty Board (LAB) ng Catbalogan City sa Samar ang kadaragdagang labing apat na Amnesty Applications mula sa dating mga rebelde sa kanilang pinakahuling Case Conference.
Ang mga inaprubahang aplikasyon ay ipo-forward sa Office of the President, na siyang tanging mayroong kapangyarihan na magbigay o magbasura sa amnestiya.
Sinabi ni Golda Meir Tabap, Head ng Samar Provincial Information Office na kumatawan kay Governor Sharee Ann Tan, sa LAB Meeting noong Lunes, na 93 Amnesty Applications na ang kanilang inirekomenda para sa Approval ng pangulo.
Aniya, ang labing apat na Amnesty Applications ay tumalima sa Guidelines ng Amnesty Proclamation 404 na nilagdaan ni Pangulong Ferdinand Marcos Jr. noong 2023 na nagbibigay ng Amnestiya sa mga dating miyembro ng Communist Party of the Philippines – New People’s Army – National Democratic Front (CPP-NPA-NDF).
