Pansamantalang ipinagbawal ng Department of Agriculture (DA) ang pagpasok ng mga buhay na baka at meat products mula sa United Kingdom kasunod ng kaso ng mad cow disease sa Scotland kamakailan.
Sa ilalim ng Memorandum Order 20, na inisyu noong May 30, 2024, ipinag-utos ng DA ang temporary ban sa importasyon ng buhay na baka, meat, meat products, bovine processed animal proteins, at cattle semen mula sa United Kingdom.
Sa statement, binigyang diin ng ahensya na ang temporary ban na ipinatupad ni Agriculture Secretary Francisco Tiu Laurel, ay precautionary measures upang pangalagaan ang kalusugan at kaligtasan ng publiko.
Ang mad cow disease ay maaring magdulot ng fatal nerve damage sa mga baka, at ang pagpasok at posibleng paglaganap nito sa bansa ay maaring makaapekto sa livestock industry at ma-kompromiso ang food safety.