AFP, nanawagan sa mga Pinoy na gamitin ang social media sa pagpapalaganap ng katotohanan sa mga isyu sa West Philippine Sea

NANAWAGAN ang Armed Forces of the Philippines sa mga Pilipino na gamitin ang kanilang social media accounts para labanan ang pagkalat ng mga maling impormasyon kaugnay sa usapin sa West Philippine Sea.

Sinabi ni AFP Spokesperson Colonel Francel Margareth Padilla na umaasa sila na bawat isa ay makatulong upang ipagkalat sa mundo ang katotohanan sa mga isyu sa pinagtatalunang teritoryo.