BINIGYANG diin ni Pangulong Ferdinand “Bongbong” Marcos Jr. na ang pagkakaroon ng mabilis na Internet Access ay hindi na prebilehiyo, kundi isa nang pangangailangan.
Pahayag ito ni Pangulong Marcos sa paglulunsad ng National Fiber Backbone Phases 2 at 3, sa lalawigan ng Leyte.
11th Local School Board Meeting sa Calbayog City, tumutok sa Sports Development at Youth Empowerment
Northern at Eastern Samar, isinailalim sa State of Calamity dahil sa Bagyong Uwan
Official selection ng CSO representatives, idinaos sa Calbayog City
Mahigit 3,700 na kabahayan sa Eastern Visayas, napinsala ng magkasunod na Bagyong Tino at Uwan
Sa kanyang talumpati, sinabi ng pangulo kailangan ang mabilis na internet dahil ginagamit ito sa pag-aaral, trabaho, negosyo, at mapanatili ang koneksyon sa mga mahal sa buhay.
Noong nakaraang buwan ay nangako ang punong ehekutibo na magbibigay ng mabilis na Internet Connectivity sa mga paaralan sa buong bansa, partikular sa malalayo at mga liblib na lugar.
Layunin ng National Fiber Backbone Project na lumikha ng matatag at ligtas na Fiber Optic Network sa buong Pilipinas.
Target ng proyekto na magkaroon ng mas mabilis, mas maaasahan, at Fully Digitalized Services para sa lahat ng mga Pilipino.
Ikinatuwa ng mga gobernador sa Eastern Visayas ang pagkakasama ng kanilang rehiyon sa National Fiber Backbone (NFB) Phases 2 at 3, dahil mabubuksan ang Economic Opportunities sa mahihirap na komunidad.
Sinabi ni Eastern Samar Governor Ralph Vincent Evardone na sa pamamagitan ng naturang proyekto ay magkakaroon ng koneksyon sa internet ang mga liblib na barangay.
