MAY alok na libreng sakay ang mga tren sa Metro Manila para sa mga Marino, bukas, June 25, sa pagdiriwang ng Day of the Filipino Seafarer.
Ayon sa Department of Transportation (DOTr), libre ang sakay sa Metro Rail Transit Line 3 (MRT-3) at Light Rail Transit Line 2 (LRT-2) sa mga seafarer, bukas.
Sa MRT-3, magsisimula ang libreng sakay simula ala singko y medya ng umaga hanggang sa matapos ang operasyon, habang sa LRT-2 ay mula 7 A.M. hanggang 9 A.M. at mula 5 P.M. hanggang 7 P.M.
Ipakita lamang ng mga marino ang kanilang valid na Seafarer’s Record Book, Seafarer’s Identity Document, o Seafarer’s Identification Booklet para makapag-avail ng libreng sakay.
