MAGBIBIGAY ang pamahalaan ng Fuel Subsidies sa harap ng inaasahang pagsipa ng presyo ng oil products bunsod ng umiigting na tensyon sa pagitan ng Israel at Iran.
Sinabi ni Pangulong Ferdinand Marcos Jr. na inaasahan na ang pagsirit ng presyo ng petrolyo dahil tiyak na haharangan ang Strait of Hormuz kapag lumala ang kaguluhan.
Aniya, hindi mailalabas ang mga langis mula sa sources kaya tiyak na apektado ang presyo.
Tiniyak ng pangulo na mabibigyan ng subsidiya ang mga pumapasada at naghahanap-buhay, kabilang na ang iba pa na labis na maaapektuhan.
Sa ilalim ng umiiral na polisiya, otomatik na ipinamamahagi ang Fuel Subsidies sa mga transport drivers at magsasaka kapag pumalo ang presyo ng Dubai Crude sa 80 Dollars Per Barrel.
