Pabahay para sa mga biktima ng bagyong Yolanda, target makumpleto ng NHA sa Disyembre

MAKALIPAS ang mahigit isang dekadang konstruksyon, target ng National Housing Authority (NHA) na makumpleto ang lahat ng housing projects para sa mga survivor ng super typhoon Yolanda sa December 2025.

Sinabi ni NHA Eastern Visayas Regional Director Constancio Antiniero, na kung walang magiging delays sa terminations of contracts ngayong taon ay tiyak na matatapos ang lahat ng proyekto sa Disyembre.