NANINIWALA si Vice President Sara Duterte na politically motivated ang reklamong physical injuries at grave threats na isinampa laban sa kanyang kapatid na si Davao 1st District Rep. Paolo Duterte.
Sinabi ng bise presidente na ang isyu ay para pagtakpan ang kabiguan ng administrasyon na tuparin ang pangakong bente pesos na kada kilo ng bigas.
Aniya, dahil hindi naman totoo ang pangako at hindi mapanindigan, kaya lumabas ang reklamo laban kay Cong. Polong.
Idinagdag ni VP Sara na sa tuwing nagkakaroon ng kabalbalan ang administrasyon, ang ginagawa nilang pantakip sa mga isyu ay atakihin ang mga kalaban sa politika.
