WALANG dahilan para mabahala ang mga investor sa kabila ng political tensions, kasunod ng pag-aresto kay Dating Pangulong Rodrigo Duterte sa kasong Crimes Against Humanity sa International Criminal Court (ICC).
Inihayag ni Palace Press Officer at Presidential Communications Office Undersecretary, Atty. Claire Castro, na pinahahalagahan ng foreign investors ang isang bansa at lider na tumatalima sa rule of law.
Pinawi rin ni Castro ang mga pangamba na posibleng mahadlangan ng ICC case ang mga foreign investor.
Ito aniya ay dahil, hindi sinusuportahan ng mga mamumuhunan ang mga lider na nagkakanlong ng mga indibiwal na sangkot sa mga krimen, gaya ng Crimes Against Humanity, lalo na ang murder.
