Tinutulan ng Foreign Chambers ang panukala ng Philippine Ports Authority (PPA) na magtaas ng storage fees, sa katwirang hindi ito napapanahon.
Ayon kay British Chamber of Commerce Philippines Executive Director Chris Nelson, dapat rebyuhin muna ang panukalang pagtataas ng port storage fees dahil posibleng maapektuhan nito ang inflation.
Sinegundahan naman ito ni German-Philippine Chamber of Commerce and Industry President Stefan Schmitz, sa pagsasabing ang increase sa storage fees ay maaring hindi tamang signal sa gitna ng mataas na inflation.
Sa public consultation noong Oktubre, ipinanukala ng PPA na itaas ng 32% ang storage fees para sa import, export, at trans-shipment containers.