600 public schools, hindi pa rin nakapagbubukas ng klase

NASA animnaraan pang public schools ang hindi pa rin nakapagbubukas ng klase bunsod ng epekto ng bagyong Carina at habagat, ayon kay Education Secretary Sonny Angara.

Sinabi ng kalihim na karamihan sa mga naturang paaralan o nasa tatlundaan limampu’t anim ay mula sa Central Luzon, habang isandaan pitumpu’t isa sa Metro Manila, walumpu’t anim sa Ilocos Region at animnapu sa CALABARZON.