ANIMNAPUNG lokal na kandidato sa Eastern Visayas ang tumatakbong “unopposed” o walang kalaban sa 2025 elections, ayon sa COMELEC.
Sa naturang bilang, dalawa ang kumakandidato bilang kongresista, isa sa pagka-gobernador, dalawa sa pagka-bise-gobernador, dalawampu’t anim sa pagka-alkalde, at dalawampu’t siyam sa pagka-bise-alkalde.
Sinabi ni Atty. Corazon Montallana, COMELEC-8 Assistant Director, ilang lokal na posisyon ang uncontested dahil maaring kuntento ang mga tao sa pamamahala at pagseserbisyo ng mga namumuno sa kanilang lugar.
Mula sa anim na provincial governors sa Eastern Visayas, tanging si Sharee Ann Tan ng Samar ang walang kalaban habang unpopposed din ang dalawa niyang nakababatang kapatid na sina Reps. Stephen James Tan ng First District at Michael Reynolds Tan ng Second District.
