GINAMIT sa health-related projects ang 60 billion pesos na excess funds na ibinalik ng Philippine Health Insurance Corp. (PhilHealth) sa National Treasury, ayon kay Finance Secretary Ralph Recto.
Sa pagpapatuloy ng oral arguments sa PhilHealth funds, sinabi ni Recto na ni-redirect ang 60 billion pesos para bayaran ang allowances ng COVID-19 frontliners na nasa 27.45 billion pesos.
ALSO READ:
10 billion pesos aniya ang napunta sa Social Programs for Health para mabigyan ng medical assistance ang mahihirap na Pinoy.
3.37 billion pesos ang ginamit sa pagtatayo ng tatlong pasilidad ng Department of Health habang 4.1 billion pesos ang inilaan para patatagin ang umiiral na DOH facilities.
